Crystal漏夜入院心絞痛險死
女子組合HotCha成員Crystal（張紋嘉）突發性心絞痛、手腳麻痹及呼吸困難急送院，至今仍留院觀察的她，以氣若游絲的聲音接受本報獨家訪問詳述命懸一線的過程：「我諗過送院期間會死喺車度！」礙於病因未明，其工作全線暫停。
現年29歲、曾參加馬拉松的Crystal看似健康，但前晚她在Facebook留言「愈來愈痛」，相隔一小時後再上載住院吊鹽水的照片。昨日Crystal受訪時指昨晚凌晨二時許突然手腳麻痹，之後感到間歇性心絞痛，因去年曾出現類似病情，更天真地想：「一陣就冇事，況且時近七月鬼節，唔想去醫院，我好迷信嘛。」可是病情沒改善，她致電護士朋友問是否中風先兆，即被勒令入院。
司機擔心一睡不醒
問Crystal為何不打999？她說：「咁我唔想搞大件事，白車留畀有需要嘅人用，咁我仲爬到嘛，咪自己一個人落樓截的士。」她又指乘車期間，病情加劇更出現呼吸困難，連的士司機也擔心出事，不停跟她說話。她謂：「可能司機怕我一瞓着就出事，我同司機話好辛苦，諗住佢會快啲車我去醫院啦，點知佢開得好慢，可能佢怕整親我，我真係有諗過可能死喺車度！」
入院後，Crystal病情得以控制。問可知病因？她稱：「吊咗鹽水、抽咗血，做咗心臟檢查，但未知咩事，仲要check，可能之前忙寫散文又要排舞台劇，太操勞所以病咗。」由於突發入院，昨日原本要拍微電影及日內的舞台劇綵排要取消。問到「發展中的幕後人」可有趁機獻殷勤？她笑指對方已短訊慰問。問何時公開戀情？她稱：「唔想刻意，唔好嚇怕佢。」而Crystal的唱片公司發言人表示會派同事到醫院照顧及安排醫療，暫停所有工作至她病情穩定為止。
文：音樂組