Lisa單拖返港掛住女兒爆喊
剛從美國返港的名模Lisa S.，昨日出席「美素佳兒奶粉影像私日記首播典禮」，提到吳彥祖（Daniel）因喪母而暫停工作，她說：「佢心情尚可，始終件事好突然。（考唔考慮復工？）佢要照顧爸爸，比較難，等佢爸爸心情平復後才再決定。」
她又大談一家三口的溫馨時光，指女兒Raven轉眼便一歲多，已懂得開口說話：「未試過離開囡囡一日，坐飛機諗起都忍唔住喊。（唔帶埋囡囡返香港？）佢依家喺美國讀書，已識叫爸爸，但仲未識叫媽媽，搞到我好唔開心。（咁Daniel係咪好開心？）梗係，但囡囡第一次攬攬係畀我。」