伊健撇老婆陪娜姐過七夕

周秀娜、鄭伊健

藝人鄭伊健、周秀娜（娜姐）、鄭丹瑞（旦哥）和王菀之（Ivana）昨日出席中山棕櫚彩虹五月花電影城開業典禮暨電影《分手100次》首映禮，即使氣溫高達35度，場面仍墟冚得嚇親伊健，旦哥則搶咪呼籲：「大家退後啲！」四人其後步入戲院剪綵及進行點睛儀式，Ivana更即席獻唱電影主題曲《不再說分手》。

變身利是封谷票房

訪問時，娜姐笑言：「希望香港優先場票房見紅，所以今日我都着到成個利是封咁！」而首次與娜姐合作的伊健更表示組合有新鮮感，更大爆戲中出浴戲甚多：「係出道以來最多！」娜姐則拿戲名開玩笑：「沖涼100次！」今年七夕劇組要到佛山宣傳《分》片，問伊健會否和老婆蒙嘉慧補祝？他坦言老婆生日將至，但未準備好禮物，又表示娜姐不會孤零零過七夕：「咁我咪陪佢囉，我有雙重身份，都會請佢食飯。」

（右起）鄭丹瑞、王菀之、娜姐和伊健在會上進行打手印儀式。

現場頗墟冚，伊健笑言娜姐見慣大場面：「佢個名都有個姐字啦！」

王菀之激嬲湯盈盈

身為導演的旦哥坦言不緊張票房成績，又自言很享受再次執導。Ivana就指不論單身還是情侶都要看：「因為好有共鳴！」問到會否和男友一同觀看？她甜絲絲說：「會呀。」其後旦哥自稱跟伊健也會包場觀看，還叫Ivana包場，她即笑說：「咁我張單畀你，包埋爆谷喎！」而在旁的林珊珊透露戲中錢嘉樂和湯盈盈會飾演自己，而Ivana就會做小三跟嘉樂搞曖昧，更大爆因為太真實，所以盈盈有「少少嬲」。