JuJu千金出手：一個打十個
坐擁逾億萬家財的富二代陳鈺芸（JuJu），近年轉走打女路線，以真功夫殺入娛圈。JuJu接受今期《好報》訪問，坦言不愛靠屋企或者關係，希望憑自己雙手打出一番事業，她說：「如果想喺娛圈發展就要有個定位，我覺得行打女路線最適合自己！」
正身在新西蘭拍攝荷里活電影的JuJu，雖然以簽保密協議為由，拒透露電影詳情，但據知她正是拍《臥虎藏龍2》，JuJu坦言很欣賞甄子丹，更希望有機會做對手戲：「我好想似子丹喺《葉問》咁一個打十個。」JuJu在長途電話透露新西蘭天氣寒冷：「得攝氏10度，我一次唔適應就病咗，有啲咳，不過好番好多，冇影響拍攝工作。」