梁政珏失場被換角沈卓盈頂上

將於年底與有米男友「牛乳大王」Eric結婚的無綫「咪神」梁政珏，原在無綫重頭劇《梟雄》演湯鎮業二太太，進度如火如荼之際，最近於微博卻發現她與未婚夫Eric同遊英國及法國，最後更未能如期返港開工，結果無綫急急換角由沈卓盈頂上。早已向公司請假的梁政珏原答應提早一日返港開工，怎料日前她以遺失護照為由未能履行承諾，即使她在微博發信解釋被偷手袋而遺失護照，並向監製王心慰和工作人員道歉也無補於事，王心慰受訪說：「佢有啲意外令到我哋要換角！」
梁政珏早已申請與男友外遊，但因遺失護照未能如期返港。
梁政珏早已申請與男友外遊，但因遺失護照未能如期返港。

記者前日見沈卓盈急回電視城試造型及刨劇本：「我都唔知，監製叫我返。」湯鎮業昨在電話中說：「我直頭重災區，（影響收工？）唔係點呀！工作人員都有怨言，今次要沈卓盈臨時埋位，要投入真係要考牌，因為大景嗰場戲係好重要。」

沈卓盈急回電視城試造型及刨劇本。
  • 沈卓盈急回電視城試造型及刨劇本。
梁政珏早前還手翹湯鎮業試造型。
  • 梁政珏早前還手翹湯鎮業試造型。