高海寧自責請旅行細佬高雄失蹤

香港人旅遊熱點之一台灣高雄發生氣體外洩，引致連環大爆炸，路塌地陷，滿目瘡痍，死傷者無數，不少藝人如蔡卓妍、黃曉明、G.E.M.（鄧紫棋）、吳雨霏、譚詠麟、陳展鵬等，紛紛在微博對死傷者表示哀悼及慰問，但始終不及弟弟正在當地旅遊的高Ling般，感受到切膚之痛。

叫弟弟更改行程

高Ling昨日凌晨時分在社交網站留言，表示氣體爆炸後，多次嘗試聯絡身在高雄旅遊的弟弟，但不成功。她接受本報電話訪問時略帶自責地稱：「細佬20歲，我見佢畢業，所以就出錢請佢去台灣，同啲朋友旅行放鬆吓。點知發生高雄氣體爆炸，細佬出發前我已經為佢預備好晒當地上網卡，等我哋可以無時無刻保持聯絡，但事發後搵唔到細佬，WhatsApp冇回應，好擔心！」

弟弟剛畢業，高海寧出錢請他去台灣旅行。	高海寧與兩位弟弟感情要好，經常外出用膳。	謝安琪月內會到台灣工作。

擔心得無法入眠的高Ling除不斷嘗試聯絡弟弟，亦時刻關注災區最新動態，希望盡快得知弟弟平安。她說：「一路搵唔到細佬，上網睇片睇到好擔心，嚇死我！細佬係由台南一路玩上台北，啱啱先到高雄咋，就發生咁嘅事！後尾終於打到畀細佬，聽到佢話平安無事，我至放心番啲。佢話佢身處新興區，距離大爆炸事發地點都有段距離，佢話市面好平靜，問過酒店職員就話暫時都安全嘅，我就想叫細佬睇吓可唔可以改動行程。」高Ling又謂希望傷者能平安無事，為死傷者祈禱。

蔡卓妍與G.E.M.對死傷者致以深切慰問。

G.E.M.

謝安琪月內赴台

早前在高雄舉行音樂會的謝安琪亦表示：「今年3、4月至喺嗰邊做完音樂會，發生呢次悲劇，而且死傷者都唔少，我希望向死難者家屬送上最深切慰問。我月內都會去台灣錄音，呢排台灣發生唔少唔開心嘅事，空難加上呢次爆炸，我希望悲劇唔好再發生！」

文：影視組