影壇新貴Babyjohn（蔡瀚億）昨日在銅鑼灣出席快餐店呼籲「少飯」慈善活動，自稱「好食得」的他笑言，平日打邊爐會由頭食到尾。Babyjohn透露暑假將為配音電影及新片《恐怖在線》做宣傳，提到張兆輝憑《恐》片成為雙料影帝，他坦言戥輝哥攞獎開心，並笑謂：「我好『小學雞』咁寫咗thank you卡畀佢，多謝佢拍戲期間咁照顧我。
我諗緊男人點同男人親口講，我又怕醜，算係小小表白。」至於拍攝時有否靈異事件？Babyjohn笑稱：「有次化咗鬼妝嘅同事攝位嚇我。（驚鬼？）唔好同我有任何溝通就OK！」
