千嬅補鑊下廚氹老公

千嬅自爆老公因生日欠驚喜詐型。

歌手楊千嬅、鄭伊健、周秀娜等前晚於九龍圓方出席電影《分手100次》首映禮。日前提早為老公丁子高慶生的千嬅，大爆有意再在家下廚「補飛」慶祝。原來她大爆畀老公投訴生日零驚喜：「佢一直以為我會準備驚喜，但我趕戲太忙，今年畀佢嘅驚喜就係咩都冇。（內疚？）有反省，因為佢話我咁多年淨係幫佢搞過一次生日，但佢年年都有幫我搞。（送禮物？）佢叫我用啲心送！（追B女？）男人都會咁，隨緣啦！」談到好友陳奕迅日前揚言退休，千嬅稱從未聽過對方提及。

伊健娜姐阿旦搞Cafe

伊健則大爆計劃與娜姐及導演鄭丹瑞（阿旦）開咖啡店，笑言會喬裝看舖：「（問准蒙嘉慧？）唔使，今次鐵三角陣容，（搵舖？）可遇不可求，（改店名？）未改。」而娜姐大爆曾有外國人以為他們拍戲時的咖啡店是真的在營業。伊健又自爆曾開設氣槍店，但被逮捕收場：「達到夢想同實踐係好唔同，我哋畀警察檢查，畀人通緝同逮捕。不過係批氣槍有問題，唔係我哋，（蝕錢？）嗰時蝕得幾多，所以一路冇諗做生意。」

新片男女主角鄭伊健與周秀娜親密翹手宣傳。	李若彤專程由內地返港為阿旦撐場。	錢嘉樂及湯盈盈拍拖到場。

錢嘉樂及湯盈盈就拍拖到場，問盈盈有否因囡囡樣貌被批評而狂喊？她否認：「好多人傳短訊安慰我，知道咩事後都冇唔開心。」嘉樂則笑稱囡囡似他一定靚：「唔需要介懷，似我一定靚！」他又大讚囡囡懂得分享及關愛身邊人。

文：影視組