陳嘉寶行山惹狂蜂 靠男友護花

藝人蔡思貝昨日聯同陳嘉寶、李佳芯、陳芷尤及組合Super Girls等於動漫電玩節出席無綫活動《J2動漫．熱：幻想救未來》活動，剪了一頭短髮的蔡思貝以新形象示人，她稱為準備拍攝新劇《衝線》而剪髮，劇中會踩專業單車的她，接受了兩日的訓練：「主動要求train多幾日，因為用嘅係公路單車，隻腳會勾實架車，如果一跌就好易成個人跌！」

李佳芯缺水頭暈

陳嘉寶與李佳芯早前忙於拍攝新節目《山系旅行》，介紹行山的好地方，陳嘉寶笑謂吸引到不少「狂蜂浪蝶」，她說：「行山好多蜜蜂，有次行行吓有隻咁大（以手掌示意蜘蛛大小）嘅蜘蛛跌咗喺另一位主持嘅頭上！」至於現實中可曾吸引過狂蜂浪蝶？她說：「我welcome真嘅狂蜂浪蝶，不過依家拍拖就無啦！」陳嘉寶又謂希望與男友一起行山，因男友可保護她。李佳芯則因行山搞到頭暈，她說：「第一次行唔記得戴帽，真係行到暈暈哋，加上怕搵唔到廁所，唔敢飲太多水，曬到額頭都紅埋！」

同場的Super Girls穿上性感舞衣勁歌熱舞，相當吸睛，成員李靜儀更在活動上打扮成動漫中的性感角色，令活動生色不少。

文：影視組