趙勁皓催谷女友晒線
相比THUNDER FROM DOWN UNDER三位成員的巨肌，昨日於同場同脫去上衣騷肌的趙勁皓（King）頓變「2D」扁平肌，他表示雙方路線不同：「佢哋走大隻路線，我要保持模特兒身形行騷。」
對於猛男對着蕊蕊跳脫衣舞，King笑言好有趣，問會否跳給女友盧頌之（DaDa）看？他笑謂：「唔會，佢哋大隻又靈活又識跳舞、唱歌，我淨係識做健身，比較硬性，唔靈活。（女友要求呢？）叫佢跳畀我睇先啦！」問會否買情趣內衣鼓勵DaDa跳？King說：「未必啦，佢未有咁嘅身形着咁性感嘅內衣。（嫌佢身材差？）我想佢好啲，自己着重健美體態。（唔夠豐滿？）唔係，可以再纖瘦啲，起碼練番條馬甲線，我已經訓練緊佢。」