周麗淇黐缽仔糕穩陣派
周麗淇（Niki）昨日出席番茄汁活動，介紹茄紅素的益處。問到可有給男友飲？Niki謂：「家人、朋友都飲過。（可防前列腺癌？）男友暫時應該冇問題嘅。」
說到Eric Kwok作品展演唱會，舞台上發現一個nude bra（俗稱缽仔糕），Niki即笑問：「邊個o架？會唔會係舞蹈員跌嘅！」而Niki稱沒試過有滑落經驗：「係視乎着邊種衫去配合內衣，晚裝就難搞啲，惟一都係將nude bra貼實啲，我都好穩陣嘅。」她稱女孩子穿衣有很多地方要注意，穿入膊裝又怕露帶，深色衫又怕大汗令腋下濕透。