劉俐蕊蕊吊高嚟賣
書展昨日曲終人散，有o靚模仍然「死守」最後賣書，反而被看高一線的蕊蕊和劉俐（藍莓）懶理銷量，日前相約做空中瑜伽，擁有34F的蕊蕊首次倒吊大騷事業線，藍莓也不甘示弱，施展軟功狂拗腰，二人最後更在空中交換寫真，各自各搶鏡。
蕊蕊和藍莓雖然今年各自推出寫真集，但不影響姊妹情，正當外面o靚模為寫真戰互相「廝殺」，二人依然相約到瑜伽中心學空中瑜伽，對於銷量方面，二人均表示從書商得悉反應理想，但實際數字仍「未埋單」，所以二人對於何解有模特兒一開賣便公報賣過萬書十分困惑，她們說：「未到最後都唔知邊個冠軍，依家講得太早喇！」事實上二人寫真被看高一線，因此除首日到書展宣傳，她們已沒有加入戰團，反而輕鬆做瑜伽更實際。
大讚趙勁皓靚仔
推有34F上圍的蕊蕊在導師Faye教導下，在空中施展一招倒吊式，即時見到倒奶效果，跟寫真一樣真材實料。不過，蕊蕊被導師指筋骨不及藍莓柔軟，而藍莓更在空中做出拗腰動作，最後二人做出倒吊式仙女下凡動作，並交換寫真。蕊蕊表示今年只看過趙勁皓（KING）的騷肌寫真，邊講邊流口水讚大隻又靚仔。旁邊的藍莓即問她不怕金剛呷醋，蕊蕊說：「唔理佢啦，人哋真係好靚仔，（下年你同金剛出寫真？）我驚啲人嫌太重口味，冇人買。」至於藍莓則表示已看蕊蕊的寫真，大讚對方身材好，她又計劃明年再出寫真，並說：「今次呢本賣陽光feel，下次想挑戰自己，想影性感成熟女人味。」
Donut死守宣傳
至於o靚模Donut成員Elise和Elke趁書展尾聲，仍「死守」宣傳造勢，又聯同師妹Katrina和Hannah出場，她們賣大包向粉絲在寫真印上紅吻，對於黃榕日前暗寸她們報大寫真銷量18,000本，Elke說：「我哋有海外發行去台灣，可能佢誤會咗，相信佢都會賣去海外市場，有實力做到呢個數字。」
場地：Dickson Yoga
文：專案組