蔡思貝假桃花未得米

藝人蔡思貝、羅天宇及鄧佩儀昨於銅鑼灣出席品牌活動，思貝獲父母到場支持，她自爆親自下廚為母親慶生：「今日係我媽咪生日。（點慶祝？）煮西餐同送戒指。」談到她被拍得與電影舞蹈總監麥秋成同車及換衫，她否認拍拖：「當日活動完叫對方兜我去剪頭髮，之後畀人喺馬路截停，嚇到我心都離埋。我哋只係普通朋友。」問她屢傳緋聞令男仔不敢埋身？她即提起緋聞男友鄭俊弘：「我同佢仲係朋友，唔會因為緋聞而影響。（桃花旺？）都係假桃花！」