千嬅湊仔耍家
已為人母的楊千嬅發揮大愛精神，烈日當空下幫人「湊仔」，陪玩、陪笑及陪影相毫無怨言，氹得小朋友相當開心。
千嬅接演導演關信輝真人真事改編的新片《五個小孩的校長》，台前幕後包括劉玉翠、吳浣儀、姜皓文及吳耀漢等，加上數十名扮演學童的演員，昨午高溫天氣下出發到郊野公園拍攝外景，劇情交代扮演校長的千嬅，與來自不同背景的家長及子女們郊遊，場面相當溫馨及熱鬧。
Torres愛返學
一眾演員因應劇情需要，化身大細路與5位主演童星玩集體遊戲，期間卻有2名小演員用頭傳球時過分投入，「火星撞地球」喊痛，幸而沒有大礙。雖然熱到大汗疊細汗，小朋友們仍相當合作，更不時逗千嬅及劉玉翠講笑、耍樂及合照，片場滿布笑聲。
千嬅大讚小演員說：「真係話頭醒尾，記性又好，都算拍得順利。（幾時竣工？）呢樣又唔肯定，小朋友始終會有情緒，暑假結束前一定得囉。」為鑽研角色，千嬅多番到訪不同校園取經，又與故事主人翁呂校長面談了解，可謂做足功課。
談到兒子Torres近況，她謂：「都開始返playgroup，佢又真係好似幾鍾意返學，至今都未喊過，佢特別鍾意同年紀大過佢嘅小朋友玩。」千嬅透露開工期間，Torres交由楊母照顧，令她放心非常。而電影公司老闆林小明兄弟更長途跋涉前來探班打氣。
文：影視組