田蕊妮堅持唔生「運動」照做

郭晉安昨日與田蕊妮、吳卓羲、劉思希等到將軍澳出席無綫新劇《忠奸人》宣傳活動。安仔透露稍後會全家總動員到熱帶地方旅行十日，更笑言旅行是預祝高收視。他hard sell地說：「世界盃就踢完，睇埋聽朝（今朝），大家冇嘢睇冇嘢講，就睇《忠奸人》啦！」有追波睇的他指很多場賽事都要射十二碼分勝負，故決賽就下半場先睇。

不懂畫鬼腳規則

自稱穿沙灘裝撐場的阿田玩畫鬼腳時竟然不懂規則，認真失威。她受訪時透露於六月和老公杜汶澤去美國後肥足十磅。問她有否趁旅行造人？阿田稱：「其實生仔呢個問題，我同我老公都已經有共識，就係唔生。（唔生都可以做『運動』！）『運動』時時都做，呢樣嘢都可以令身體健康，都應該嘅，『運動』係需要o架。」

吳卓羲非常不情願飲苦茶。

劉思希穿連身短裙示人，非常養眼。

吳卓羲怕飲苦茶

同場的吳卓羲表示會約大班朋友睇世盃決賽，問是否全男班？他無奈地稱：「女仔唔鍾意睇波嘅，又唔會叫佢哋一齊出，費事成日問佢哋係咪悶啦。」被記者笑Dry的他，竟口花花撩女記者睇波。其後他在台上玩遊戲輸了被罰飲苦茶，飲到表情扭曲。吳卓羲事後解釋早上飲了豆漿，怕溝埋一齊會肚痛，認真搞笑。

文：影視組