田蕊妮Wet妹過戲癮
視后田蕊妮去年憑王心慰監製的《巨輪》榮登視后，在《忠奸人》中她再向演技挑戰，扮演Wet妹，阿田說：「好多觀眾覺得『Wet妹』點套到落阿田身上？我都有問Amy點解，但佢好有信心認為我做得到！於是外形上整咗個紅色highlight長髮look，好多同事都認唔到係我！」
阿田外形上轉型成功，Wet妹的靈魂又需否惡補？她說：「我細個都Wet過吓，今次係我第5次同Amy合作，好有安全感，因為我做完場戲，好嘅佢會讚，邊度唔夠嘅，佢會叫我注意番，令我好放膽去演繹。（有信心冧莊視后？）我演嘅譚美貞經歷好複雜，內心戲要有高度專注力，不過《忠奸人》真係令我過足戲癮嘅！」