麥基傳病逝 修哥愕然

資深演員麥基被傳大前日於醫院病逝，享年79歲，記者昨日致電胡楓（修哥），他聞言都感到愕然，不過修哥指自從麥基信教及開始傳道之後，身邊的好友都未有見過他，修哥說：「佢傳道之後都同我哋斷絕來往，我哋班朋友都冇接觸過佢，每次大家提起佢，都話好耐冇見，（知唔知佢身體有乜唔妥？）唔知喎！佢應該都幾健康。」

去年麥基曾懷疑被騙財，更召開記者會追討，不過最終警方調查後證實案件沒有刑事成分，將兩名涉案男子釋放。至於演藝人協會方面指麥基家人未有聯絡他們，未收到有關死訊通知。

麥基懷疑被訛騙時，曾獲議員涂謹申協助追討。
  • 麥基懷疑被訛騙時，曾獲議員涂謹申協助追討。