克勤睇好荷蘭靠洛賓贏波
周四凌晨世界盃荷蘭與阿根廷爭出線成為焦點，李克勤表示看好荷蘭：「實力上未必係史上最好嘅荷蘭，但可能係史上最團結嘅荷蘭，荷蘭最大嘅敵人係球員唔能夠團結一齊去打波，但今屆你見到就算洛賓幾獨扭，但依然OK，喺尹戈爾帶領下，好希望真係攞到盃。」
克勤表示荷蘭由第一場開始踢到至今一直好順，他續說：「如果荷蘭被阿根廷攻就更加開正佢個籠，洛賓係超快，阿根廷按住荷蘭嚟攻，荷蘭有反擊嘅話就有數，睇佢哋對西班牙已經係咁踢，所以我覺得荷蘭會贏，決賽荷蘭對巴西咪幾美滿。」
眾所周知，克勤是曼聯球迷，他笑說：「尹佩斯係踢曼聯，尹戈爾將會教曼聯，我當有曼聯咁去睇。」他指美斯雖然好波，但阿根廷缺少迪馬利亞影響非常大，他說：「阿古路雖然傷愈，但我唔覺得佢有十足嘅狀態。」