陳敏之與陳智燊昨日出席超市代言人活動，並穿回拍廣告時的服飾，敏之透露以自己的故事作為拍攝內容，當中提到想為男友計劃免費旅程，問現實生活中有否兌現？敏之尷尬地說：「未呀，廣告都話想咋嘛，同埋依家講咗出嚟就唔驚喜啦。」談到有份演出的劇集《點金勝手》將踏入結局篇，她謂：「好多人都關心我突然變咗女強人，問係咪臥底，又話唔想我變壞人。」
