黃翠如宿營慘變灰姑娘

黃翠如自言求學時是大悶蛋。

黃翠如昨日出席《V city DSE放榜齊Say Yes》活動，與新鴻基地產代理助理總經理（租務）孫雅茵齊齊為文憑試考生打氣，翠如說：「我會考成績1A5B，比想像中好，記得放榜前夕，我同班同學喺屋企樓下等天光，看更都同我哋一齊等添！我讀書時係個好悶嘅人，不停溫past paper，錯過好多學生生活。（錯過埋男仔約會？）約會？好難，記得以前團契去camp，夜晚食完糖水，同爹哋通咗個電話，佢即刻嚟接我走。爹哋嚟接係因為我嗰時喺佢工作間公司做暑期工，佢認為我第二朝返工會遲到，所以接我走。」

結婚零憧憬

翠如謂同學至今仍是好友，有些已嫁人，問她何時嫁？她說：「唔鍾意plan未來，幻想唔到結婚會點。（閃婚？）冇諗，依家同屋企人生活好開心。」提到拍檔洪永城指翠如拍拖是他的傷心事，她說：「佢真係生抽王（抽水王），佢最想我有拖拍，咁佢就可以同啲女仔講佢唔係同我一齊。（你介紹女仔畀佢？）洪永城身邊嘅女仔仲多過乜啦！」

黃翠如派禮物為考生打氣。

黃翠如與新鴻基地產代理助理總經理（租務）孫雅茵吹脹打氣棒。