汪圓圓挺大肚呻不便

正懷有7個月身孕的名模汪圓圓，日前在老公蔡加讚陪同下出席奶奶舉辦的兒童教育中心啟動禮。身穿大肚連身裙的圓圓站立做訪問，未幾便感疲倦要坐下，她向《東網ontv》透露大肚婆的不便之處：「企會攰，坐得耐都會，總之個人好唔舒服，瞓一晚要起幾次身，去廁所同埋瞓嘅姿勢都會唔舒服，朝早腳抽筋痛到醒。BB踢得好犀利，有次發噩夢好想醒，好彩BB咁啱踢醒我！」至於全程傍實老婆的加讚，則透露有落手為圓圓按腳及按摩，並說：「都有摸佢個肚，好奇妙！」此外，圓圓又笑言希望有老公陪減肥：「其實想佢陪我一齊肥，等我生完再一齊減！」