Fiona再踏紅館 唔做厚多士

歌手薛凱琪（Fiona）為紀念入行十周年，將於9月初再踏紅館舞台，舉行《ADIDAS presents TONIGHT FIONA LIVE 2014》演唱會。Fiona開心表示公司對她這次紅館騷十分重視：「Paco（黃柏高）見2年前紅館演唱會開三面台啲飛賣得好，就話不如開四面台，所以今次係我人生第一個四面台演唱會。」

平日對工作事事插手的Fiona，這次決定不做「厚多士」（好多事的諧音），將演唱會創作交給專業人士，專心做好歌手工作：「今次逼自己唔好做任何參與，一參與無止境。今次成個過程我只要唱好歌、練好舞就夠，燈光、舞台、導演就搵最Top、叻過我好多嘅人，head住我唔畀我亂嚟。」

Fiona早前與Paco開記招谷個唱。

Fiona上次演唱會找來傳緋聞多年的祖名拖手合唱，今次的嘉賓令人期待。

否認遭利誘續約

太陽娛樂為了Fiona這次演唱會可謂不惜工本，問到她會否慶幸離開舊公司華納才有如此資源？她說：「我唔會話慶幸，開完上個紅館騷，我可以好驕傲咁講華納喺嗰個時候畀最好嘅嘢我，雖然佢哋知我要走，但佢哋係令呢個由細養到大嘅女，可以光光榮榮咁走。」Fiona加盟太陽娛樂將近兩年，有傳合約快到期，問到她這次演唱會是否利誘她續約的籌碼？Fiona說：「簽太陽第一年已經想開，Paco話想接住上一個演唱會嘅成績，今年咁啱抽到期，絕對唔係開演唱會留我。」

採訪：音樂組

髮型：Jo@Salon Queens Private I

化妝：Jessica Chan

服裝：Paule Ka from Swank

飾物：Swarovski