阿根廷驚險贏波 鄧佩儀遭球迷抽水

華姐冠軍鄧佩儀繼續在巴西為無綫直擊世界盃，繼苟芸慧、陳貝兒與張秀文先後遇瘋狂球迷「抽水」後，鄧佩儀也被醉酒球迷錫面。日前她採訪阿根廷對瑞士的十六強賽事，阿根廷幾經辛苦才在補時階段險勝瑞士，球迷賽後陷入瘋狂狀態，賽後在球場外採訪球迷的她被阿根廷球迷突襲錫了面部一啖，她說：「啲阿根廷球迷贏咗波之後癲晒，好多都飲醉晒，都冇辦法可以防備，當時氣氛實在太高漲，相信個球迷都係冇惡意，佢哋見攝影機都係想搶吓鏡，自己都冇Hard feeling嘅。」