周秀娜唔夠擺要開多幾個
「宅男女神」周秀娜出席手錶活動時透露喜歡新款東西，所有前度贈送的物品都不會再用，更決絕表示會將所有舊物放在迷你倉當遺物供奉，娜姐前度可要死心了吧！
前晚周秀娜（Chrissie）出席慶祝FRANCK MULLER旗艦店開幕派對，着住入膊裙的她戴住價值接近六十萬元的鑽石錶，被指密實，她自言美麗不一定要性感：「靚嘛，最緊要靚同埋睇場合，我想搵番最靚嗰條裙出席呢個活動，今日好開心可以戴住呢隻錶，仲開心過有男朋友。（認錶唔認人？）係，要睇時間做人。（如果係男朋友送呢隻錶畀你呢？）都開心嘅，自己都鍾意錶，收藏錶幾好，如果男朋友有收藏，可以一齊研究。」
她謂大部分手錶均是別人送贈，問到會否棄掉舊愛送的東西？她聞言即說：「我覺得都過咗去，我個人鍾意貪新款，如果有新嘢會成日戴住新嗰隻，舊嘅就會放喺迷你倉當遺物咁供奉。（你啲供奉品多唔多？）暫時發現個『格仔』唔夠位擺，要開多幾個。」當提到舊愛陳偉成的外婆早前過身，她表示沒有留意，稱已沒有跟對方聯絡，態度決絕！
吳建豪生仔愈多愈好
而同場的台灣型男吳建豪專程來港現身活動，他透露近日忙於籌備新唱片及拍電影，工作繁忙豈不沒有時間造人？他笑說：「順其自然吧，不過我們都喜歡小孩子，愈多愈好。」
而扒女李依琳就與男友Conrad Kalkhurst拍拖赴會，穿上貼身連身短裙的她大騷3吋事業線。對於有傳二人結婚？她說：「我八歲就識佢，不過仲要了解佢多啲，每日愛佢多啲，未結婚住。」她又視對方為真命天子，並大讚男友是perfect man，說時一臉甜蜜！
文：名人組