有份演出劇集《愛•回家》的味之天使「啤梨」張韋怡昨日在社交網站透露早兩日才知道自己懷有5個月身孕！
她在電話訪問中說：「我完全冇嘔、手腳無腫，食嘢又正常，只係呢段時間覺得個人特別易攰同肥咗，我都覺得奇怪點解只係肥喺肚腩！」她又謂只餘下5個月時間去處理生BB的事：「呢幾日知道自己有咗就開始擔心，擔心佢健康、搵陪月等，搞到我情緒有啲不穩，估唔到男友平時成個細路仔，依家處理呢啲事好成熟，又安撫我嘅情緒。」
