汪圓圓佗B勁攰 逼老公增肥

「玩具大王」蔡志明太太蔡李惠莉與Harry哥哥合力打造的兒童教育中心昨日舉行啟動禮，長女蔡加敏與丈夫馬鴻銘以及一對仔女、蔡加怡與丈夫陳漢驄、蔡加讚與太太汪圓圓均有出席撐母親場。懷孕7個月的圓圓站着做了一會訪問已很累要坐下，她說：「企會攰，坐得耐都會攰，總之個人好唔舒服，夜晚瞓覺一晚要起幾次身，瞓嘅姿勢唔舒服，要郁嚟郁去，朝早對腳會抽筋痛到醒。BB踢得好犀利，有時會踢醒我，有次我半夜發惡夢好想醒，BB咁啱踢醒咗我。」加讚指BB很活躍，他也有為圓圓按腳和按摩：「有時BB踢圓圓就會叫我快啲摸吓，好奇妙，好開心。」