黃翠如擸蕭正楠騷錢

無綫藝人黃翠如與洪永城昨日以「情侶檔」出席活動，問何時飛走洪永城換正印蕭正楠（Edwin）？翠如說：「洪永城啱啱先話我係朋友level中最低層，叫我排吓隊。」會否介意跟Edwin情侶檔？她說：「冇所謂，因為嚟緊劇出街都要宣傳。（活動上玩親密遊戲都得？）幻想唔到。」提到孖Edwin酬金更高，翠如笑謂：「同洪永城嘅價都唔錯，但主要啲錢喺我度。（同Edwin全數歸你？）都唔錯喎！（數你管？）我對數字好唔敏感，最後啲錢都係父母管。」