DaDa聞蘇色變 勾不快齒辱

世界盃日前一場烏拉圭對意大利的賽事，烏拉圭球員阿蘇與意大利球員基亞連尼碰撞時，用牙咬對方背部，結果國際足協重罰阿蘇停賽9場，緣盡本屆世界盃。

周秀娜覺懲罰合理

DaDa昨日出席活動時坦言有留意阿蘇咬人事件，她緊張稱：「聽到『牙』字都驚！我之前開派對，咪試過朋友啲牙撞到我頭破血流囉！其實呢啲事好危險，醫生當時話要照吓有冇牙骨留喺我傷口度，我依家仲留有疤痕。希望佢哋雙方都冇事啦，今次真係兩敗俱傷。」

蘇亞雷斯	周秀娜覺得阿蘇應該被罰停賽。

周秀娜亦稱：「今次懲罰相當合理，不過佢（阿蘇）都好慘，冇得踢餘下賽事，我都擔心被佢咬到嘅基亞連尼嘅傷勢。」蔡少芬則謂﹕「小朋友無知先會咁做，停賽好合理，蓄意傷人喎！仲有過2次前科。」

張秀文（右）與球迷拉着支持C朗的橫額。

張秀文

另外，被無綫派往巴西採訪世盃的張秀文，直擊加納與葡萄牙作賽。她與現場大多球迷一齊為C朗打氣。她謂：「啲球迷為咗支持C朗，就唱歌話佢叻過美斯，啲巴西球迷見狀又唔抵得，有樣學樣唱話尼馬叻過美斯。」

文：影視組