鄭俊弘得祖兒鼓勵更發憤
「星夢幫」鄭俊弘（Fred）最愛看演唱會，談到最難忘經歷，他自爆年初看容祖兒演唱會尾場時，被對方一席話所感動：「完騷後我去咗後台搵佢，佢好親切同我講：『你嚟我演唱會對我鼓勵好大，你加油呀！』，我當時諗應該係佢對我嘅鼓勵好大至啱！」Fred又大讚祖兒的專業精神：「佢嘅表演對我啟發好大，因為當晚佢病，講嘢冇聲，但佢一唱就唱爆咪，證明佢意志好強。」談到現時目標，Fred甚有志氣說：「希望可以開世界巡迴演唱會，我上次喺巴黎睇到一個好大嘅陳奕迅Billboard，覺得佢好犀利！如果我都可以返溫哥華開騷幾勁呢！」
