徐靖雯望拍黃百鳴「笑」出名堂
近期愈來愈多模特兒跳入影圈分一杯羹，剛加盟黃百鳴旗下的徐靖雯亦是其中一分子，回復單身的她坦言對感情事隨緣，惟亦不抗拒「Mr. Right」出現，揚言現時工作第一的她更主意多多，想做「打女」，又想做「女笑匠」。
剛簽約至黃百鳴旗下的徐靖雯（Jenny）雖已單身一段日子，但性格獨立的她坦言享受這份難得的自由：「之前拍咗三年拖，依家想抖吓，亦都想以工作為先。」問到會否羨慕同公司的吳千語有個廿四孝男友林峯，Jenny自言感覺比外在條件更重要：「我冇特定喜歡的類型，但最緊要對方人品好同善良，亦要孝順屋企人，如果佢對屋企人都唔好，對我都唔會好得去邊！」
分手後的徐靖雯專心發展事業，惟甚有主見的她卻堅拒「賣肉」上位，反而有意加入「打女」行列：「本身好鍾意睇動作片，亦試過拍動作戲，令我有啲想做打女。」為做「打女」，她不但勤練瑜伽保持最佳狀態，更不排除會打拳鍛煉身形：「身邊有好多朋友都有練泰拳，自己都有啲心思思想試。」
高妹配矮仔
自言三心兩意的徐靖雯果然是善變的女人，除做打女外，亦有意拍喜劇，更希望與老闆黃百鳴合作擦出火花：「我細個睇老闆嘅戲大，所以好想試吓拍喜劇。」在陌生人面前較安靜的Jenny，笑言自己有活潑一面：「視乎同對方嘅關係，如果好熟，我會好多嘢講。我都好有興趣發掘自己搞笑嘅一面，加上依家咁興高妹配矮仔呢個組合，我覺得自己幾有潛質拍笑片。」
場地：Amina Square Cuisine Restaurant
文：張浩恩
攝：吳文聰