郭偉亮抽水獲獎 拒再呃細路
無綫前晚舉行《2014 TVB最受歡迎電視廣告頒獎典禮》，黃翠如、郭偉亮、李克勤、張慧儀、江欣燕、王敏奕、陳嘉寶等出席，翠如與郭偉亮分別奪得「最受歡迎女主角」及「最受歡迎男主角」廣告大獎，但翠如卻沒有信心在無綫台慶頒獎禮再攞獎：「唔敢諗，我諗起碼等多十年八載先啦。」
因貌似「Iron Man」而被帶挈拍廣告兼攞獎的郭偉亮，計劃完成演唱會後不再扮「Iron Man」，免出街惹女士注目令老婆呷醋，他笑說：「喺街上啲小朋友以為我真係Iron Man，我唔想再呃佢哋，好多謝網民、觀眾畀呢條橋我，我都已經抽水抽到離晒譜，抽到拍廣告、抽到攞埋獎。」
而克勤將與太太到巴西睇世界盃決賽，提到苟芸慧與陳貝兒在巴西直擊世界盃時遭瘋狂球迷非禮，他說：「到時會叫老婆着長袖衫、樽領衫，同埋唔去沙灘，好多灰色地帶嘅，都唔知啲球迷有心定無意。」
克勤時運高
克勤對於早前《勁歌優秀選》綵排時，輪到容祖兒綵排卻遭叫停並讓謝安琪先綵排，事件引起大風波。他笑言當日在場時運高，甚麼也看不到，他笑說：「我綵排之後就返咗後台，所以冇睇到、冇聽到。」
文：影視組