陳豪恨生女 不讓囝囝孤單

御藥堂集團控股有限公司主席陳恩德（左）、中大中醫藥科技有限公司臨床研究經理方月嬋與陳豪合照留念。

陳豪昨日以御藥堂品牌形象大使身份，出席《「中大中藥傳承」「中醫藥導賞團」暨品牌形象大使簽約》活動 ，期間播出他一人分飾兩角的廣告片。原來陳豪出身自醫學世家，父親是西醫，母親則為中醫，故求學時趁暑假亦有跟過母親偷師，懂得拔火罐、艾灸箇中技巧。問到有否強項？他笑謂：「有呀！醫瞓厲頸OK。（點解唔行醫？）我都唔知點解喎！」向來對中醫有信心的他指中藥較少化學作用，對調理身體方面很有幫助，雖然老婆陳茵媺（Aimee）鬼妹仔性格，亦以中醫調理身體。

幫陳茵媺指壓

提到Aimee左手患筋膜炎，陳豪指老婆現正接受不同療法，希望不會繼續惡化。他謂：「佢已經戴咗固定手腕套，我都有幫佢有限度指壓。（Aimee會唔會怕咗唔敢再生？）又唔會，呢啲係母親必經階段，唔係咩新奇病，點樣用正確姿勢同力度先值得大家留意。」

陳茵媺	陳豪細心地向小朋友講解中醫療效。

已有一名半歲兒子的他揚言想再生多個，恨女恨到出晒口。他說：「好想追個女，咁就完美。父母親要盡責任，唔好令仔女咁孤單，希望係咁，不過畀Aimee放吓假先，小朋友都仲細。」

文：影視組