李思欣北上搵銀賺得多
藝人李思欣離開無綫回復自由身後，密密接job，最近就忙於拍攝慈善電影，飾演患有抑鬱症及丈夫患病的太太，目前已完成一半戲份的她說：「呢幾年多咗做義工，發覺社會上有好多需要關心、幫忙嘅人，曾經試過同老公（范振鋒）去做義工派米，見到啲公公婆婆拎到包米好開心，就算個日派咗四、五個鐘都唔覺得攰仲好開心！」
自離開TVB後北上發展的她，直認「搵多咗」，她說：「好多客戶知道我離開TVB之後對我照顧多咗，依家都學緊唱歌，加上同老公拍住上做婚禮司儀！」另思欣亦於飲食界大展拳腳，實行雙線發展！