薛家燕母女檔齊保健
藝人薛家燕與女兒石祐珊早前母女檔任保健產品代言人，家燕姐說：「我為咗唔好被個女搶晒鏡，特登抽時間日日做一個鐘運動，仲剩係食生菜同雞肉，我稱呢種係『千頌伊keep fit法』！（廣告酬勞好吸引？）我做咁多準備功夫，酬勞梗係滿意，但都唔及健康咁重要，我依家睡眠質素好咗又痛少咗，呢個先係最大收穫！」
珊珊透露是次合作充滿緣分，她說：「之前媽咪拍無綫劇集《新抱喜相逢》，因為舊患關係，拍上落樓梯時膝頭隱隱作痛，搵到呢款保健儀器送畀佢做母親節禮物，佢用完就話覺得冇咁痛，品牌以用家身份邀請我哋任代言人。」
