顏子菲玩波拉客 朱千雪搭車搵索女
選美活動又再開鑼！無綫與亞視昨日正面交鋒，同日搞選美宣傳活動互搶佳麗。港姐今年以銀彈攻勢獎勵提名人，朱千雪笑言搭港鐵時希望覓得高質女士參選，亞視就出動顏子菲、王家敏露腰晒腿踢波，吸引更多注意。
無綫與亞視昨日分別舉行2014香港小姐、2014亞洲小姐及亞洲先生的競選宣傳活動，兩台揀正同一日舉行宣傳，擺明互搶高質素佳麗。今年無綫破天荒設現金獎，若提名人所提名的佳麗打入十六強即獲得獎金一萬元，豪派十六萬為港姐造勢。
岑麗香向朋友埋手
歷屆港姐朱千雪、岑麗香、陳凱琳、蔡思貝、歐陽巧瑩等昨日於將軍澳出席港姐宣傳活動，千雪坦言想得到提名人獎金：「搭港鐵見到有個女仔好靚，高高瘦瘦、文靜，有高貴感覺，望佢望咗三個站，打算叫佢選港姐時佢就落咗車。」香香亦稱想攞獎金，會向朋友的妹妹埋手。提到她拍電影《辣警霸王花》遭其他女演員杯葛，她強調與眾演員玩得開心，沒有不和。
黃集鋒勁射亞姐
亞視昨日於觀塘舉行2014亞姐、亞生宣傳活動，以世界盃熱潮作招徠，前亞姐顏子菲、王家敏穿上露腰球衣加熱褲踢波，晒長腿吸睛。顏子菲守龍門時因擋住亞生黃集鋒勁射令雙手又紅又腫，黃集鋒得悉後半跪向她道歉，更謂：「今晚幫你吓。」顏子菲與王家敏均稱會介紹朋友參選亞姐，但前提是不能比她們漂亮。
文：影視組