嘉穎全力拍劇冇人爭

鄭嘉穎、陳展鵬及洪永城昨到元朗八鄉為新劇《天眼》拍槍戰戲，對於《好報》指無綫綜藝科及戲劇科高層余詠珊及曾勵珍為世盃爭人，三人有不同取態，嘉穎說：「我拍劇嘅，冇口才，唔係綜藝材料，呢種事唔會發生喺我身上。（之前整傷額頭有陰影？）唔會，嗰次係我戇居，唔關槍戰事。」
鄭嘉穎拍動作戲時甚認真。
鄭嘉穎拍動作戲時甚認真。

展鵬則說：「我一路忙開劇，（有冇搵你出席世盃節目？）冇，（兩大高層爭人鬥得好勁？）公司花咁多錢買世盃，全台都支持配合。我以前試過接出面工作撞時間，但會排拍劇優先。」洪永城被指是余詠珊愛將，他說：「我同余詠珊比較熟，但（爭人）唔多發生喺我身上，通常拍劇定好咗，好少有大糾紛。我諗所謂爭人，最多係想度演員期，得就OK，唔得都冇大問題。」

陳展鵬（左）與洪永城搶住涼風扇。
  • 陳展鵬（左）與洪永城搶住涼風扇。