佘詩曼零衝動生仔

佘詩曼、黎耀祥、洪天明及周家蔚等昨日到澳門威尼斯人出席電影首映，面對眾星一家大細現身晒溫馨，阿佘雖然顯得形單影隻，但觀其低胸貼身裝力谷事業線，成功挽回焦點。對於現場招待大批小朋友觀賞，阿佘也非常興奮，問她會否受氣氛感染有生小朋友計劃？阿佘哈哈大笑謂：「咁又唔會，生小朋友喺我20幾歲時有諗過，仲會覺得如果有BB都唔會做嘢，因為要專心湊B，但家陣就冇諗呢樣嘢嘞！」而與囝囝同行的天明做湊仔公，笑指囝囝不肯落地，故惟有全程抱住。