雨僑被圍攻 羅力威撐到行
歌手羅力威和許靖韻昨日出席社區活動，羅力威表示自小受家人教導，要關心社會及盡公民責任。談到今日為內地廣西狗肉節，不少藝人都在網上力斥不人道，呼籲取消該節日，曾為此事發聲的雨僑因而遭網民圍攻。
羅力威有看過相關報道，他說：「好難相信今時今日仲有人做得出呢種事。」對於緋聞女友雨僑被攻擊，他力撐說：「好好呀，即管發聲！正常人係唔使因為啲唔正常人講嘅說話而有奇怪感覺，亦唔需要唔開心。（會否出手相助？）幫得到我一定幫，如果我喺現場一定阻止呢件事發生。」
獲緋聞男友擺明車馬力撐，雨僑在電話中回覆說：「每個人對事件都有自己睇法，佢咁做唔一定係為我。」又說沒有因事件影響心情，也不擔心影響到日後內地登台機會。