鄭伊娜幫黃集鋒解圍
亞姐張家瑩、鄭伊娜、亞生林睿和馮家俊，昨日齊齊出席旅遊節目《自遊自在食住行》活動，期間家瑩和伊娜化身「家庭煮婦」，大騷事業線倒奶煎蛋餅。但活動進行時，各藝人相當避忌，全無身體接觸，可能是有鑑於日前伊娜疑被亞生黃集鋒在活動上「抽水」之故。
拒再近女色
日前伊娜出席亞生、亞姐宣傳活動時，疑被當日同場的亞生黃集鋒「鹹豬手」，伊娜昨日再度開腔回應，深信亞生同事只是無心之失：「我都係睇番報道，先睇到佢真係有掂到。不過我相信佢唔係有心！」集鋒亦在微博大嘆時運低：「幸虧同事了解本人，認同本人的人格。」更揚言以後再也不近女色。伊娜除回應此事外，更大爆拍攝期間差點走光的趣事：「件衫啲珠珠爆開咗！（咩叫爆珠珠!?）件衫係low-cut嘅，佢有條掛頸嗰啲珠珠，（咁有冇走光？）好彩我手快按住咗件衫，無走到光！」
家瑩愛男廚
另外同場的家瑩亦自爆希望可以找到廚師男友：「廚師男朋友嘅話呢，如果係溝通到嘅，我都oko架，咁我就有餐好嘢食喇！」更笑言自己認識很多英格蘭球迷，知道昨晨英格蘭輸波大感可惜。
文：影視組