翠如意氣風發 高海寧英名盡喪
昨日英格蘭對意大利的世界盃分組賽是今屆重頭戲之一，兩隊在香港都有不少擁躉，高海寧力捧英軍，無奈英軍輸波後她卻被球迷指她是「燈神」，捧邊隊輸邊隊。撐意軍的黃翠如見愛隊贏波，連出活動都刻意穿意大利波衫，愛隊未出線已提早慶祝！
日前西班牙對荷蘭期間曾領先，當時高海寧在微博留言：「OH YES！1:0！這就叫邪不能勝正。」最後西班牙卻慘負1:5。昨日英格蘭對意大利，高海寧捧英軍，英軍又以1:2輸波，球迷即指她是「燈神」。
怕出事拒絕貼波
高海寧昨在屯門出席世盃活動提到西班牙被大炒，自言當時想喊，更在微博跟球迷舌戰：「我當西班牙係仔，好傷心，但唔會死心。唔鍾意啲人贏波就鍾意西班牙，輸波就落井下石。」問高海寧對西班牙餘下兩場分組賽的心水，她謂：「唔想貼波，無論輸贏我都支持！」
記者昨致電高海寧，談到英軍不敵意大利，她表示對英格蘭有情意結，父親亦是英格蘭球迷，對英軍輸波感可惜，有傳短訊安慰爸爸。她又讚英軍說：「有啲球隊輸波就冇心機，英軍即使幾個球員抽筋，都落力踢。」
至於意大利球迷黃翠如，她昨接受電話訪問時透露自己穿了印有意國前鋒巴洛迪利肖像的衫睇波，並謂：「睇住巴神（巴洛迪利）臨尾頭槌入波好開心，今屆好多球員頭槌好勁，我都跟上熱潮練頭槌！」翠如昨出席活動時亦穿意大利波衫示威，問有否跟男友蕭正楠一起睇波？她說只跟爸爸在家睇，又指未帶男友見家長。而英軍擁躉李克勤及任達華亦在愛隊輸波後於微博留言表示失望。
庭欣興奮攬錯人
另外，陳庭欣前晚出席世盃活動，指最難忘八年前在英國酒吧睇波，因太興奮錯攬外籍球迷，又曾目睹曼城球迷因球隊輸波而搞暴動，同場的馬賽則為西班牙輸波難過。
文：專案組