藝人林盛斌（Bob）昨日到會展出席代言活動，他透露近年接了不少代言工作，其中銀行廣告出街後竟被人問透過他借錢會否有低息，十分搞笑。今日是父親節，正在拍攝《老表，你好hea！》的Bob表示今日只需早上開工，下午可以和爸爸及外父慶祝，而兩名寶貝女前日已提早送上父親節禮物：「尋（前）日兩姊妹拍醒我，家姐送咗幅畫畀我，阿妹就送咗舊垃圾咁嘅嘢畀我，睇清楚啲原來係張卡，上面有我個樣喺度，真係好窩心。」
