杏兒戴情侶戒風騷翹密友

現年34歲的胡杏兒，於2012年7月帶淚宣布與拍拖8年的黃宗澤分手後，去年被《好報》拍得與同性友人當街攬啜，但她事後否認自己是同性戀。Dry了兩年的杏兒，雖然最近出席活動暗示自己有「新歡」，還表示正在了解中，不過記者觀察多時，杏兒身邊一直未有異性埋身。

傍住出入辦私務

攬女有前科的杏兒，近日身邊多了一位中性打扮的同性友人，大前日下午3時，杏兒與該同性友人一同離開大埔道寓所，乘七人車前往灣仔，落車後，兩人步往附近的國貨公司會合其經理人。身穿格仔露腰裝套短裙的杏兒，當日明顯悉心打扮過，兩人在過馬路時，杏兒更不其然翹住對方的手臂，亦發現兩人戴上情侶戒指及用同款手機殼，態度親密。

杏兒過馬路時，即翹住同性密友。

兩人又用埋同款手機殼。

約20分鐘後，三人一同離開國貨公司，杏兒與經理人邊行邊傾，而同性友人則識做地緊隨其後，經理人送杏兒上車後自行離去。杏兒與同性友人再乘車到附近銀行辦理手續，兩人逗留約一小時後離開，之後又到金鐘一幢商廈處理私務。

單拖修甲心情靚

另外，昨日下午5時，杏兒獨自乘七人車往中環樓上舖修甲，雖然同性友人沒同行，心情極靚的她，見到記者即笑笑口揮手打招呼，個多小時後，杏兒整完指甲步出，記者上前問她最近身邊是否多了一位同性密友？杏兒聞言反應極大說：「吓！嗰個係我新助手嚟o架！（見你哋戴情侶戒及用情侶手機殼？）唔係嘛！有冇認錯呀？助手嚟o架！（飾物及手機殼是否你送？）梗係唔係啦！」說畢，杏兒乘七人車到尖沙咀，她向記者透露約了舊同學食飯。

文、攝：追蹤組