Eason「演嘢」獲發哥鼓勵
陳奕迅（Eason）昨為新國語專輯舉行簽名會，有近600名熱情歌迷加過百圍觀市民，歌迷玩遊戲時要在Eason肖像加工，被網友喚作「萬能Key」的Eason笑謂：「又Key我去邊？咪亂key喎！」
Eason稱剛拍畢新片返港，太太徐濠縈去了台灣跑馬拉松，故還未相見。對於阿徐爆他拍戲壓力大過做巡迴？
Eason坦言：「梗係啦，做Tour邊有壓力，依家拍完呢套戲終體會到做演員同歌手嘅最大分別，我亦都終於可稱為演員！」問新片對手周潤發可有讚他演技？Eason說：「佢唔係讚，但佢一句說話係好鼓勵到我。（同女主角湯唯有冇激情戲？）好激情，但唔係肉體上激情，我哋嘅檔次冇咁低。」