張家輝扮朗拿度無人能及
影帝張家輝及劉心悠昨日到銅鑼灣出席《Adidas x 足球小將》活動，身穿球衣的家輝與布景板上的阿根廷球王美斯合照，猶如「失散兄弟」，他笑言今年世界盃會支持對方：「我知網友話我哋似，我覺得唔似，不過佢唔係賣靚仔，係Sell實力，呢樣同我一樣。」家輝笑言再穿球衣，勾起當年他在電影《賭俠1999》笠頭套扮巴西「大哨」朗拿度的回憶：「當年王晶條橋係work，但之後再畀其他人做，梗係冇我咁好啦！」
至於劉心悠臉上長了粒粒，仍表示會捱通宵睇世界盃，但不會趁機到酒吧識男仔：「支持西班牙同巴西。（球星揀靚仔？）當然啦！同埋睇吓邊個甫士靚。」家輝與心悠到商場外與足球小將巨型模型合照，引來大批市民圍觀。
