台灣組合LOLLIPOP@F成員小煜隸屬曾志偉公司，前晚凌晨小煜被拍得夜蒲蘭桂坊攬女又煲煙，至截稿前志偉仍未見有回覆。而前晚亦在現場的LOLLIPOP@F經理人黎先生則對事件作出回應，他表示小煜未見識過香港的夜場，當晚只是出席朋友的生日派對。提到小煜攬女煲煙，經理人說：「冇攬女！嗰個女仔係台灣嘅朋友，大家都識，小煜見佢有啲醉先扶佢傾吓偈，小煜唔係經常抽煙，只係偶然輕鬆吓，準備戒煙。（不怕此事影響形象？）都驚，希望記者手下留情。（公司有處分？）未知，但會戒煙，因為都有損健康。」