Rosemary撼Lea T.開「波」晒幸福
熱辣辣的天氣再加上世界盃的氣氛籠罩下，昨日Rosemary 及Lea T.就「波濤洶湧」現身商場活動，二人穿上低胸運動連身裙，火辣到爆！一臉甜蜜的Rosemary指籌備明年婚禮自己揸fit，無限budget，大晒幸福！
模特兒Rosemary及Lea T.昨日穿上低胸運動裙出席「新地千萬雕刻藝術展」，活動上更展出巴西藝術家Rodrigo Torres製作的「紙幣雕刻」藝術品。
支持法國隊
提到會否到巴黎看世界盃？Rosemary表示未婚夫Jason會到當地觀賞：「門票有限，自己就要留港工作，但我都會支持法國隊。（平時會唔會出去睇波？）會呀，多數陪Jason。」提到她的婚事，她直言明年會結婚，但未擇日子，亦未揀好婚紗：「都要睇下點。（香港擺？）未定。（形式？）好多款，好亂，懷舊復古都幾好。（男友畀你全權負責婚禮？）大部分都係呀，哈哈。（無限budget ？）唔知，我自己安排！」Rosemary一提婚禮自己話事就甜到爆，大晒幸福！
去歐洲探親
同場的Lea T. 表示上屆已去過南非看世界盃，今年都未決定會否到巴西看世界盃，因為她計劃去歐洲探望家人。問到緋聞男友霍啟山會否同行？她顯得有點避忌說：「唔會，我同朋友去。（點解唔帶佢一齊見屋企人？屋企人有冇見過佢？）屋企人見過我好多朋友。」
文：名人組