徐偉棟新派打法 闖名堂

演員徐偉棟挾着徐少強之子背景入行,與父親同樣擔任動作演員的他,對外界會拿父子相比亦「認命」,但他想憑自己實力闖出名堂:「比較一定有,但我唔會畀太大壓力自己。爸爸以古裝為主,我係新派動作演員。雖然行內人因為我爸爸係大俠,所以叫我做少俠,但我想人哋認識我係徐偉棟,唔係徐少強個仔。」

徐偉棟又透露正學習幕後技巧,希望同時兼顧幕前幕後:「因為自己鍾意拍嘢,開頭零認識,但我都有睇好多戲,慢慢開始拍啲短片,從中都可以幫到我做演員。」他希望有日能將經歷改編成電影,同時會加入飛車、爆破場面。