嘉玲地獄式減肥想打教練

劉嘉玲昨晚與錢慧儀出席時尚刊物活動，身型Fit爆的嘉玲透露曾經地獄式減肥：「我試過減10磅之內，都地獄o架，請個教練train我做運動，佢將我雪櫃入面嘅嘢丟晒，買過晒啲嘢放喺雪櫃，全部我都唔鍾意食，但只可以食呢啲，又要烚又要冇油，當時好想打佢，真係貼錢買難受，結果減半年好有效。（點解要減？）覺得自己圓潤，之前係減肥，跑步同做Gym，依家已經變成習慣，唔郁唔舒服。」她還叫老公梁朝偉一起做運動：「依家每日食嘢都有計住卡路里，日日上磅唔可以畀自己重多過3磅。」