糖妹羨慕王敏奕拍拖

年輕版M Club成員黃山怡（糖妹）、王敏奕、陳嘉寶、賴慰玲、吳燕菁等昨晚亦有到油塘收看《女》劇大結局。開場不久便喊的糖妹稱不捨得劇中拍檔，她們無所不談，包括感情事。

糖妹又爆王敏奕有分享與男友曾國祥的戀愛史：「女仔都係鍾意講呢啲嘢！」問是否羨慕好姊妹拍拖？她說：「一定啦，同佢好好朋友，又住得近，成日傾心事，作為朋友見到佢哋幸福真係好開心。」另外，曾志偉大方與「未來新抱」王敏奕合照。