志偉帶挈阿倫 多o靚妹粉絲

無綫劇《女人俱樂部》前晚大結局，監製曾志偉率領李若彤、江欣燕、葉蘊儀、張慧儀、袁潔瑩、李麗珍等演員，到油塘與300多位觀眾一齊收看大結局。播映前，志偉更領軍切燒豬，寓意劇集由頭好到尾。播映期間，每位演員也更不禁拭淚，葉蘊儀更喊到鼻紅紅。

鄭丹瑞死得最抵

劇集口碑不俗，男主鄭丹瑞之死更成為城中熱話，志偉笑指對方是本世紀死得最有價值的人。問他會否再請去旅行慰勞一班女主角？他笑說：「請佢哋去賣豬仔，佢哋依家咁紅，希望帶佢哋去東南亞登台，有騷一齊做。」

阿倫坦言為撐志偉，今次是義務聲演。

鄭丹瑞死去一幕，被指為本世紀死得最有價值。 李若彤（左）

經常在劇中「聲演」的阿倫神秘現身，令全場女士爭相「集郵」。志偉笑說：「好難得捧番紅佢，好多後生都話舊歌好聽。」阿倫透露剛從吉隆坡返港，大讚《女》劇在東南亞很受歡迎，更打贏很多韓劇。對於被志偉指「人憑劇貴」再次爆紅，阿倫笑言：「真係多謝晒，最近微博多左啲17、18歲Fans。」他自爆曾獲志偉邀客串，但最後不了了之，更笑言可找張國強扮他。

李若彤六親不認

李若彤透露最近經常被狗仔隊跟蹤：「連我去接姨娚女放學都跟。」並笑言母親都不敢與她出街食飯，似六親不認。她又稱劇集出街後只被叫過一次「小龍女」，很開心《女》劇為她洗底。另外，江欣燕緋聞男友李健達亦有現身，她對此表示：「係朋友，我今日上台唱歌，下晝去咗佢屋企練歌。（佢屋企？）唔好諗咁多，係朋友。（發展機會？）唔知喎。」

文：影視組